అమృత వర్షం కురిసెనుగా...ఆనందం విరిసెనుగా

అమృత వర్షం కురిసెనుగా
ఆనందం విరిసెనుగా
ప్రేమపుష్పం వికసించునుగా

గువ్వలరాగం వినిపించునుగా

గజ్జెలు సవ్వడి చేయునుగా

గుండెలో అలజడి మ్రోగెనుగా "అమృత "

సంధ్యా తారలు నవ్వెనుగా

సరదా పాటలు పాడెనుగా

గుడిలో గంటలు మ్రోగెనుగా

ఎద లో లయలు మీటెనుగా

చిన్నారి పాప మురిసెనుగా

చలాకి వయసు ఆడెనుగా "అమృత "

వసంత రాగమే మధురంగా

మయూరి నాట్యమే అందంగా

సన్నాయి మేళమే చిత్రంగా

కళ్యాణ ప్రాప్తికి మంత్రంగా

ఇరువురి మనసుల బంధంగా

ఇది ఒక జీవన సూత్రంగా "అమృత"

ముత్యాల తోట లో మురిపెంగా

ముచ్చటైన ఆశ తో మౌనంగా

నీలి మబ్బు నీడలో నిత్యంగా

నమ్ముకున్న ఆశలే సత్యంగా

పారాణి వర్ణాలే సాక్ష్యంగా

కోరుకున్న క్షణాలే లగ్నంగా "అమృత"

వెన్నెలా ..వెన్నెలా ..ఓ వెన్నెలా

వెన్నెలా ..వెన్నెలా ..ఓ వెన్నెలా
నిశి రాతిరి శశిరేఖ నీ గుణదీపిక
తారా ఛాయల మధుమాలిక
నీ రూపు నింగికే రసహేలిక "వెన్నెల "
అంబరాన నీ అందం పరవశమే
గూటిలోని గువ్వలకూ పారవశ్యమే
ఆ బాలగోపాలురు నీకు మిత్రులే
నీ వెలుగుల లోగిలి బహు చిత్రమే "వెన్నెల "
దివిసీమ లో నీ మోము నవవసంతమే
ఇంపైన నీ సొగసు కడు రమ్యమే
జాబిలికే వన్నె తెచ్చెను నీ రూపమే
గగనాన నెలరాజు నీకు నేస్తమే "వెన్నెల "
ముచ్చటైన మౌనరాగం నీ దరహాసమే
స్వప్నాల సీమ లో నీ హొయలు విడ్డూరమే
నీ రాక మాకెంతో ఆనందమే
పుడమి పై నీ చూపు మాకు భాగ్యమే "వెన్నెల"

రాగాల గూడు లో రాధమ్మ

రాగాల గూడు లో రాధమ్మ
చక్కంగ పాడింది చూడమ్మ
స్వరాల తేనె తో మరిపించి
చిత్రంగ నవ్వింది చూడమ్మ
సెలయేటి ఏరు లో సంపెంగ లా
చిరుసవ్వడి మాటున విరజాజి లా
ముత్యాల సీమ లో మహరాణి లా
మువ్వల సవ్వడి లో విరిబోణి లా "రాగాల"
మాటలన్ని మూటగట్టి మురిపెంగా
మధురవాణి కి మలిజోడి గా
సింగారి కోమలి రూపంగా
చిత్రాంగి నగవులె హాసంగా "రాగాల"
తొలకరి జల్లు లో వానధార లా
మిన్నేటి ఛాయ లో మౌనగీతి లా
తేనె కుసుమ లో తేటగీతి లా
వసంత ఘడియ లో సితార లా "రాగాల"
నీది వెన్నెలంత స్వచ్ఛమైన మనసమ్మ
నా ఊహల పల్లకి నువ్వమ్మ